Chai with Sai

A refreshing pit stop for tired surfers…

Archive for May, 2013

கலைஞரை பற்றி பெருந்ததலைவர் காமராசர்

Posted by Saipradeep on May 29, 2013

கலைஞரை பற்றி பெருந்ததலைவர் காமராசர்
——————————————-
ஒரு முறை ஸ்தாபனக் காங்கிரஸ் பிரமுகர் (காமராஜர் கட்சி) ஒருவர், தி.மு.கழகம் நெருக்கடி நிலையைக் கண்டித்த போதிலும், திமுக அரசு இது தொடர்பாக மத்திய அரசு எடுக்கும் நடவடிக்கைகளுக்கு எதிர்ப்புத் தெரிவிக்காதது பற்றி மனக் கசப்புடன் பேசினார். கலைஞர் இரட்டை வேடம் போடுவதாக விமர்சித்தார். அதைக் கேட்டதும் பெருந்தலைவர் காமராசுக்கு கோபம் வந்து விட்டது.

காமராசர் விமர்சித்தவரை பார்த்து
“” சும்மாக் கெடப்பா ரொம்பத் தெரிஞ்சவன் போல… இந்த நேரத்துலே எப்படி நடந்துக்கணுமோ அப்படித்தான் கருணாநிதி நடத்துக்கிட்டாரு. அது ஒம் மூளைக்கி எப்படி எட்டும்னேன்… சும்மா வீறாப்புக் காட்டினா ஆச்சா… அதுனால என்ன லாபங்கறேன்… அந்தம்மா DMK.கவர்மெண்டை டிஸ்மிஸ் பண்ணும், இப்ப இங்க மிஞ்சியிருக்கிற சுதந்திரமும் இல்லாமல் போகும். வேற என்ன நடக்கும்னேன்? இந்த நேரத்துக்கு இங்க கருணாநிதி தொடர்ந்து பதவியில் நீடிச்சுக்கிட்டு இருக்கறது ரொம்ப அவசியம். அதை மறந்துடாதே. ப்ரை மினிஸ்டரைப் பத்தி ஆரும் எதுவும் பேசக்கூடாதுன்னு உத்தரவு வருது. அங்கங்க இருக்கற சீப் மினிஸ்டரெல்லாம் அந்த உத்தரவிலேயே தன்னைப் பத்தியும் ஆரும் எதுவும் பேசக்கூடாதுன்னு சேர்த்துக்கறான். பார்க்கப்போனா இப்ப கருணாநிதியைப் பத்தித்தான் கண்டவனெல்லாம் கன்னா பின்னான்னு பேசிக்கிட்டிருக்கான். கருணாநிதி நினைச்சா இந்த உத்தரவைப் பயன்படுத்தி அதை தடுக்க முடியும். ஆனா அவரு அப்படிச் செய்யல அதை மறந்துடாதே. கருணாநிதி விரும்பினா ப்ரை மினிஸ்டரோட ஒத்துப் போயி நிம்மதியா இருந்துக்கிட்டிருக்க முடியும். அதையும் அவரு செய்யல. இதையெல்லாம் நினைச்சுப் பார்க்காம ஏதோ வாயிருக்குதுன்னு பேசிட்டா ஆச்சா” என பொரிந்து தள்ளியவுடன் கொஞ்ச நேரத்துக்கு அறையில் ஒரே நிசப்தமாக இருந்தது.

#அன்றிலிருந்து இன்று வரை காரணமேயின்றி கலைஞரை திட்டிகொண்டிருக்கிறார்கள்.. அவர்கள் அனைவருக்கும் பெருந்தலைவரின் கருத்தே பதிலாகட்டும் 🙂

Posted in Uncategorized | Leave a Comment »